Dakop sa akto ang duha ka persona nga nagapatigayon sang iligal nga pagpangisda sa kalalawran nga sakop sang Panay, Capiz.
Ginkilala ang mga nadakpan nga sanday Leonel Samura, 35-anyos, boat captain kag John Rey Catalan, 31-anyos, lunsay mga residente sang Brgy. Casanayan sa banwa sang Pilar.
Narekober sa posisyon nanday Samura kag Catalan ang isa ka pump boat, isa ka motor engine, fishing net with complete accessories kag mas o menus 10 kilos sang nagkalain-lain nga sahi sang isda.
Magabayad ang mga ini sang penalidad nga paglapas sa Municipal Ordinance No. 03-02 series of 2003.
Sa karon, nagapabilin sa kustodiya sang MENRO-Panay ang mga nadakpan lakip ang mga nakumpiskar nga kagamitan para sa nagakaigo nga disposisyon. | Judy Ann Juare
