Nagpatigayun ro Malay PNP sa pakikipagbueoligan sa NICA-6 ag sa pakikipag-angutan kay Prosecutor Flosemer Chris Gonzales it Insurgency Awareness Orientation sa 1,200 nga mga estudyante halin sa Balabag ag Manocmanoc National High School nga ginhiwat sa Manocmanoc Covered Court, Boracay Island, Malay, Aklan ku Oktubre 14.
Ro nasambit nga orientation hay ginaeakipan it pagtalakay NTF-ELCAC, ro mga programa nga ginpatuman eon it RTF6-ELCAC, testimonya halin sa dating rebelde ag pagtao it ideya kaangot sa Kabataan Kontra Droga ag Terorismo nga gintalakay ni Mr. Brian Galicano, Vice Chairman it Malay KKDAT.
Samtang, sa welcome remarks ni Malay PNP Chief of Police PLTCOL DON DICKSIE L DE DIOS, nagtao imaw it kabaskug it buot nga pabaskugon ro pagiging makabayan ag voluntarism sa mga pamatan-on ag estudyante nga nagtambong sa nasambit nga aktibidad. / ANN DESLENE SALAZAR
