Usa ka 12-anyos nga bata nga sakop sa New People’s Army (NPA) ang namatay uban sa duha pa ka indibiduwal sa nahitabong engkwentro batok kasundalohan sa Surigao del Sur ning milabayng adlaw.
Sa gipagulang report sa 4th Infantry “Diamond” Division (4ID) Philippine Army giila ang mga namatay nga silang Lenie Perez Rivas, 38-anyos, Willy Rodriguez, 20-anyos samtang ang 12-anyos wala na gipangalan pa, ug lain pang menor de edad ang na-rescue.
Sumala pa nga nagpahigayon og security operations ang mga mga sundalo sa Sitio Tibog, Mabuhay, Prosperidad maong probinsiya human madawatan ang imporasyon nga nangita’g pagkaon ang mga NPA og didto nahitabo ang engkwentro nga milungtad sa 5 minutos nga miresulta sa kamatayon sa mga nasangpit.
Subling nahitabo ang engkwentro sa Diatagon, Lianga hantud na nga nagkatibuag ang mga rebelde sa nagkadaiyang dapit nga miresulta usab sa pagka imbargo sa nagkadaiyang himan pangiyera.
Gikondena ni Brigadier General Allan Hambala ang Commander sa 401st Brigade ang NPA sa ilang paggamit og mga menor de edad sa ilang pakig engkwentro batok sa gobiyerno.
Sa pikas bahin gibutyag ni Brigadier General Oliver Vesliño ang acting commander sa 4th Infantry Division nga padayon ang ilang paglutos sa nabiling mga rebelde dungan sa pagpanawagan nga abli pa ang ilang pultahan ngadto sa mga rebeld nga buot mag-surrender. BNFM-Davao
