May kabieogan nga 1,065 ka mga kapulisan sa bieog nga Region 6 ro na-promote sa andang mga responsibidad.
Ro nasamitan nga promotion hay ginhiwat ku Disyembre 15 sa Police Regional Office 6 (PRO-6) headquarters Camp Delgado sa pangunguna ni Police Brigadier General Flynn Dongbo, regional police director.
Sa mga na-promote, 24 dikara ro Police Commissioned Officers (PCOs) ag 1,041 ro Police Non-Commissioned Officers (PNCOs).
Sa 24 ka PCO, daywa ro na-promote sa Lieutenant Colonel, 11 ro napromote sa Major, 9 ro naging Captain, ag daywa man ro napromote sa Lieutenant.
Samtang sa mga PNCO, 240 ro na-promote sa Police Corporal, 158 sa Police Staff Sergeant, 156 sa Police Master Sergeant, 303 sa Police Senior Master Sergeant, 117 sa Police Chief Master Sergeant, ag 67 sa Police Executive Master Sergeant./JIL B. LACSON
