Sa pihak it anang edad hay personal nga nag agto si Lola Salvacion M. Rogar nga taga Barangay Linabuan Norte, Kalibo, Aklan sa ABL sports complex sa Kalibo kahapon.
Raya hay agud personal nga ma-claim ro anang Unconditional Cash Transfer (UCT) nga nagabalor it P4,600.
Base sa facebook post it DSWD Western Visayas, gin-ibhan man si Lola Salvacion it anang igbata sa pag-claim bangud nagapilit segun raya nga personal nana nga ma-claim ro anang UCT.
Mabahoe segun ro pasaeamat ni Lola Salvacion sa anang nabatun bangud temprano segun nga Pamaskwa raya para kana.
Si Lola Salvacion ro pinakamagueang sa tanan nga senior citizen nga nag claim it UCT kahapon. / ANN DESLENE SALAZAR
