KORONADAL CITY — NAGNEGATIBO sa illegal na drogra ang 101 na mga drivers at konduktor ng mga public utility vehicles o PUV’s sa General Santos City at Koronadal City na isinailalim sa surprise random drug test ng PDEA-12.
Bahagi ito ng Oplan: HARABAS ng PDEA-12 at Oplan Byaheng Ayos Undas 2022 ng LTO-12 at ng Land Transportation Franchising and Regulatory Board o LTFRB-12.
Sa panayam ng 95.7 Brigada News FM Koronadal kay Kath Abad, information officer ng PDEA-12, layunin umano ng nasabing hakbang na masiguro na wala sa impluwensiya ng illegal na droga ang mga driver at konduktor lalo na ngayong Undas.
Dagdag pa nito na maliban sa random drug testing nagsagawa rin ng K9 sweeping and paneling at information dissemination ang ahensya sa Integrated Public Terminal ng Koronadal.
Napag-alam na sa oras na may magpositibong driver o koduktor agad itong isasailalim sa screening test at kukuhanan ng drivers license.
