Gatusan ka pamilya ang nawagtangan og panimalay sa nahitabong dakong sunog kagabie, Nobyembre 1, 2022 sa residential area Sitio Tugas, barangay Mambaling dakbayan sa Sugbo.
Basi sa sa report sa Cebu City Fire Department, nagsugod ang sunog alas 9:58 diin gideklarar kinig fire out alas 11:21 na kagabie.
Miabot sa 110 ka mga establishemento ang naapektuhan sa sunog diin 102 niini ang hingpit nga nasunog og walo ang partially damaged
Gitug-an ni FO3 Emerson Arceo nga gibana-bana nga anaa sa P1.8 million ang gibiling danyos sa sunog.
Sa kinatibuk-an anaa sa kapin 300 ka mga indibidwal ang nawagtangan og panimalay human sa sunog.
Sa pagkakaron, padayon pang gisuta sa ka-bomberohan ang hinungdan sa maong sunog apan sa inisyal nilang pakisusi, gituohan nga nagikan ang sunog tungod sa napasagdang kandila.
