SORSOGON CITY – Inihayag ng Land Transportation-Sorsogon na ilalabas na nila simula sa Oktubre nitong taon ang mga driver’s license na may 10-taong validity mula sa limang taong validity.
Ngunit nilinaw ni LTO-Sorsogon chief Grace Rojas na hindi ito para sa lahat sa halip, para lamang ito sa mga drivers na may ‘’good standing’’ o walang record na anumang uri ng paglabag sa Land Transportation and Traffic Code (RA 10930) at sa iba pang traffic laws, rules and regulations.
Paliwanag ng opisyal, kapag ang driver’s license possessor ay mayroong ‘demerit point,’ hindi siya makaka-enjoy nitong 10-year validity.
Ayon pa dito, bawat paglabag ng isang driver sa LTO Traffic Code o sa iba pang traffic laws, rules and regulations ay kabawasan sa kanyang tsansang magkaroon ng 10 taong lisensya.
Nilinaw pa ng ahensya na ang 10-taong validity ay para lamang sa mga renewing licenses at hindi sa mga bagong non-professional at professional driver’s license na mananatiling may 5-year validity.
