Usa patay duha angol sa disgrasya nga nahitabo sa Klinan 6 Provincial Road, Polomolok, South Cotabato alas-8:45, Miyerkules sa gabii, Agosto 4.
Sa imbestigasyon sa Polomolok PNP, ang mga sakyanan nga nalambigit sa disgrasya mao ang Motorsiklo nga dunay temporary plate number gi manihoan ni Christopher Ecot Sr., 35 anyos ug may duha ka angkas nga silang Jenelyn Fernando, 30-anyos ug si Christopher Ecot Jr., 2 anyos, pulos nagpuyo sa Purok Sagrado Valencia Site Poblacion, Polomolok, South Cotabato.
Samtang ang laing sakyanan mao ang Sadam nga gi manihoan ni Angelito Lantingan, 46 anyos, minyo nga taga Alkikan, Malungon, Sarangani Province.
Sumala kang Lantingan gikan sila sa Miasong karga ang pinya padulong sa Dole apan pag-abot sa Klinan 6 dunay nag overtake nga Hilux nga paspas ang padagan ug sa kalit lang may kusog nga lagubo sa likod nabangga na day ang motorsiklo.
Sa record sa Polomolok PNP ang mga sakay sa motorsiklo nadala sa Polomolok Municipal Hospital apan gi deklarang dead on arrival sa doktor ang bata.
Boluntaryo usab nga nitahan sa kapulisan ang driver sa Sadam human na diskarga ang mga Pinya og sumala niini nga sa 20-anyos niya nga pag maniho karon palang siya na banggaan unya may namatay.
Wala matud pa niya tuyoa ang nahitabo, hinay usab ang iyang padagan gumikan kargado og pinya.
