Sumailalim ang 117 owners at authorized representatives mula sa 133 na micro-establishment sa 2-day standard first-aid training sa People’s Gymnasium, Tuguegarao City, Cagayan.
Pinangunahan ito ng Department of Labor and Employment (DOLE) Region 2 katuwang ang Philippine Red Cross.
Ang naturang pagsasanay ay bahagi ng developmental approach ng DOLE sa mga micro-establishments.
Naranasan naman ng mga kalahok ang iba’t ibang aktibidades katulad ng Cardio Pulmonary Resuscitation (CPR), wastong pagsasagawa ng bandaging, bleeding control, at lifting and carrying techniques.
Layunin ng pagsasanay na bigyan ang mga nasabing kalahok ng kasanayan sa first-aid para maging handa sila sakaling may mga mangyaring emergencies sa kanilang mga trabaho.
