Nilahukan ng DA- Bureau of Fisheries and Aquatic Resources Region 2 ang Tilapia Festival ng Ramon, Isabela kung saan nagsilbi bilang mga judge ang ilang kawani ng kagawaran sa isinagawang grilling contest.
Naging matagumpay ang inorganisang mga aktibidad ng Lokal na Pamahalaan ng Ramon upang maibida ang potensyal ng tilapia na maging mabenta sa merkado.
Sa naturang festival ay naipakilala sa publiko ang iba’t ibang produktong gawa sa tilapia, napalawak ang mga local producers at mapataas ang kita ng mga mangingisda.
Dahil dito, hinikayat ng BFAR Cagayan Valley ang mga fish growers na panatilihin ang mataas na produksyon ng isda dahil kasalukuyan pang nararanasan ang kakulangan sa suplay ng isda sa rehiyon
