Umaabot sa 6.9 million pesos na halaga ng ilegal na droga ang nakumpiska ng mga otoridad sa ikinasang buy-bust operation sa Brgy. Sto. Niño, Biñan City, Laguna.
Kinilala ng Laguna PNP ang suspek na si alyas “Norodin”, residente ng nabanggit na lungsod.
Ayon sa imbestigasyon, aktong nahuli ang suspek na nagtutulak ng ilegal na droga matapos pagbentahan ang pulis na nagkunwaring buyer.
Narekober sa suspek ang isang malaking pakete ng hinihinalang shabu na may timbang na 1,000 gramo at tinatayang nagkakahalaga ng P6,900,000.00.
Nakumpiska rin ang isang puting sasakyan, 14 na bundle ng pekeng pera at 1,000 pesos.
Nasa kustodiya na ng mga otoridad ang suspek na mahaharap sa kasong paglabag sa RA 9165 o Comprehensive Dangerous Drugs Act of 2002.
