Close

Ex-bank RCBC manager, guilty sa Bangladesh bank heist

Sponsor ads


Hinatulan ng guilty ang dating branch manager ng Rizal Commercial Banking Corporation para sa kasong money laundering na may koneksyon sa $81-million cyber heist na ginawa sa Bangladesh central bank noong 2016.

Sa promulgation ng desisyon sa Makati Regional Trial Court Branch 149, ay na-convict ang akusado na si Maia Deguito para sa 8 kaso ng paglabag sa Anti-Money Laundering Act habang naabswelto naman siya sa isa dahil sa pagkakapareho nito sa iba pang kaso.

Sinintensyahan si Deguito ng 4 hanggang 7 taong pagkakakulong sa bawat kaso at inutusan na magbayad ng $109-million na multa.

Sinabi sa 26-page decision ni Judge Cesar Untalan na ang defense ni Deguito na wala siyang kinalaman sa mga nangyaring transaksyon ay isang komprehinsibong pagsi-sinungaling.

Anya, dapat ay maging liable ang manager dahil sa "command responsibility" sa bank branch nang mangyari ang mga kahina-hinalang transaksyon.