Close

Wanted person nasikop samtang gakuha ug fiscal clearance

Sponsor ads


Nasikop sa mga sakop sa Detective Management Unit ug Special Investigation Unit-Zamboanga City Police Office kaniadtong Miyerkules ang usa ka wanted person samtang kini ang mukuha u nta ug Fiscal Clearance.

Giila ang dinakpan nga si Taha Arabani, 34-anyos, minyo ug residente sa Brgy. Sto. Niño, Zamboanga City. Ang dinakpan adunay warrant of arrest nga pinirmahan ni Hon. Roncesvalles BV.

Filoteo, presiding judge sa Regional Trial Court, 9th Judicial Region, Branch 32, Zamboanga City, nga gi-isyu kaniadtong Marso 12, ning tuiga, tungod sa kasong Frustrated Homicide.

Adunay girekomenda nga piyansa ang korte balor 24-mil pesos alang sa temporaryong kagawasan sa suspek.

Matud pa, una pa ang pagsikop kang Arabani, miadto kini sa Hall of Justice sa Brgy. Sta. Barbara, Zamboanga City aron mukuha ug Fiscal Clearance, apan na-hit ang iyang pangalan, ug base sa record, aduna siyay standing warrant of arrest.

Gilayong gi-kontak sa fiscal office ang elemento sa kapulisan hinungdan nga gisikop si Arabani ug gidala sa Zamboanga City Police Station 11 ug gipailawom sa booking procedure.

Kasamtangang nadetina ang dinakpan sa nahisgutang police station.