Close

Wanted nga ginang, arestado sa Agusan del Sur

Sponsor ads


WALA na makaipsot pa sa mga kamot sa awtoridad ang usa ka 44-anyos nga ginang human gi-aresto sa mga personahe sa kapulisan sa Bayugan City Police Station sa mismong panimalay niya sa P-9 Brgy. Noli, probinsya sa Agusan del Sur.

Giila ang dinakpan nga si Mariflor Gabales Diez,44-anyos, housewife ,nanimuyo sa nahisgutang lugar.

Bitbit sa kapulisan ang warrant of arrest batok sa subject person nga gi isyu gikan sa Municipal Trial sa Agusan del Sur sa kasong pagpanglapas sa Presidential Decree 115 kon Regulation of Trust receipts transactions nga adunay gitaganang piyansa nga mukabat sa 2-mil ka pesos alang sa iyang temporaryong kagawasan.

Gikustodiya karun ang dinakpan sa Bayugan City Police Station alang sa tukma nga disposasyon.