Close

Unom ka indibidwal giila sa konseho ang kalampusan ug nahimo

Sponsor ads


GENERAL SANTOS CITY- LAING indibidwal ang giila ug gipasidunggan sa Sangguniang Panlungsod sa GenSan tungod sa ilang kalampusan ug nahimo alang sa syudad.

Kini mao silang Monarie Santiago Aliperio gikan sa Mindanao Polytechnic College, nga top 10 sa Broker Board Exam; Christine Piasan Umandap, top 9 sa Broker Board Exam; Kerrold Calixto Soguilon gikan sa Mindanao State University, kinsa top 7 sa Licensure Examination for Teachers sa secondary level.

Lakip usab gipasidunggan silang Dr. Fernan Rey Anthony Algos Arenas, top 2 sa Dentist Licensure Exam; Reymart Gaballo sa Sanman Promotions, boksidor nga nakasungkit og Interim World WBA bantamweight title ug Nelson Limbre nga miuli og bag nga may mga dokumento ug kwarta.

Giila ug gipasidunggan ang mga nahisgutan atol sa ika-110 nga regular session sa SP GenSan.