Close

Training center sa City agriculture gisirado gumikan sa mga liki

Sponsor ads


GENERAL SANTOS CITY- NA-BUSY ang matag opisina sa city government sa GenSan sa pagplastar sa ilang tagsa-tagsa ka disaster management team, kung asa usa ka opisina ang mas nangandam gumikan sa mga bag-ong liki human sa kusog nga linog.

Ang training center sa City Agriculture Office gipabutangan og scaffolding sa City Engineers human sa inspection adlaw nga lunes kay nakita sa luyo sa mga kisame nga adunay mga liki sa salog nga semento.

Segun kang Assistant city agriculturist Elsie Villanueva gibawalan na sila nga okupahan o mogamit sa ilang training center sa first floor sa building samtang pabilin nga mag-opisina ang anaa sa ikaduhang andana.

Paabuton lang usab daw nila kung kanus-a mapaayo sa City Engineers ang ilang building pinaagi sa ginatawag nga retrofitting kay aduna na usab pondo alang niini.