Close

Tigbaligya og gulay, gipatay

Sponsor ads


Patay ang usa ka babaye nga mamaligyaay og gulay human giluba sulod sa gipuy-ang balay sa Purok 5, Feeder Road 2, Brgy. Tibal-og, Sto. Tomas, Davao del Norte alas 9:50 sa gabii, niadtong milabay’ng adlaw.

Biktima giilang si Merlina Cadiz Villasencio, 47 anyos, minyo, molupyo sa nahisgutang dapit nga naa lamang sulod sa iyang balay dihang gisulod sa suspek nga si Alvin Relox Ranes alyas Dabong, 20 anyos, taga Pansacala Area, Feeder Road 3, Brgy. Tibal-og sa maong lungsod.

Wala matud pay daghang langas ang suspetsado dihang nakasulod na sa balay, diretsong dunggab tumong sa dughan ug yanong gibiyaan.

Nadakpan ra sab dayun sa kapolisan ang suspek kinsa nagdumili pa sa pagsulti sa iyang motibo ug karon tingkagol kini sa prisohan samtang gihikay na ang tukmang kaso batok kaniya.