Close

Tawi-Tawi vice mayor patay, security escort nga pulis angol sa pagpamusil sa Zambo City

Sponsor ads


Hugot nga gipatuman ang siguridad sa ospital kon asa didto naka-confine ang naangol nga pulis nga nagsilbing security escort sa napatay nga vice mayor sa Tawi-Tawi sa nahitabong pagpamusil alas-singko kagahapon sa hapon didto sa highway sa Gov. Alvarez, Barangay Camino Nuevo, Zamboanga City.

Giila ang naangol nga pulis nga si PO1 Abdulmurib Ilahan Hadjirul, 34-anyos ug miyembro sa 2nd Platoon Mobile sa Police Regional Office sa Autonomous Region in Muslim Mindanao kon PRO-ARMM.

Matud pa ni Police Regional Office (PRO-9) Director Chief Supt. Billy Beltran, gibakwian sa iyang kinabuhi ang 53-anyos nga si Sapa-Sapa Municipal Vice Mayor Hji. Alrasid Mohammad Lipae Ali, pipila ka minutes human sa insidente samtang kini ang gitambalan sa usa ka pribadong ospital didto sa Zamboanga City.

Migawas sa imbestigasyon nga gikan sa usa ka mall ang mga biktima ug anaa galingkod sa passenger seat sa SUV vehicle ang bise-mayor, sa dihang gipusil kini sa suspected gunman.
Naka-angkon ang opisyal ug grabeng samad-pinusilan sa dughan ug ulo gikan sa caliber .45 pistol.

Duha matud pa ang suspek sa pagpamusil nga gasakay sa itum nga XRM-125 motorcycle ug walay plate number, kon asa paspas nga nakaikyas human sa pagpamusil.

Padayong gapahigayon ug lalumang imbestigasyon ang kapulisan sa Zamboanga City aron matumbok ang nagpaluyo sa pagpatay sa vice mayor ug aron masayran kon unsa ang motibo sa krimen.

Ang pagpatay bise mayor, ang ika-7 insidente na nga pagpamusila sa managlahing lugar sa Zamboanga City sulod lamang sa kasamtangang bulan, kon asa ang kadaghanan sa mga biktima ang namatay.