Close

Surallah, nagbaton sang SGLG award

Sponsor ads


KORONADAL CITY — Nagbaton sang Seal of Good Local Governance ukon SGLG award ang banwa sang Surallah sa South Cotabato.

Suno kay Mayor Antonio Bendita, bilang awardee, nakabaton ang banwa sang cash prize nga P3.2 million pesos.

Plano naman sini usaron ang premyo para sa dugang nga road concreting project sa banwa.

Makabaton sang SGLG award ang isa ka local government unit sa tion nga nakapasar ini sa mga guidlines nga gintalana sang Department of Local Government ukon DILG kasubong sang improvement on performance, accountability, transparency kag participation.

Naka-base ini sa tatlo ka mga core assessment areas nga ginalakipan sang Good Financial Housekeeping, Social Protection kag Disaster Preparedness. (Girlie Narciso-Solis)