Close

Straffing sa Bombo Radyo GenSan ug pagpusil patay kang Ed Dizon, gisuta na kung konektado

Sponsor ads


GENERAL SANTOS CITY- GINASUTA karon sa Presidential Task Force on Media Security kung konektado ang pagpusil patay kang KaBrigada Ed Dizon sa Brigada News FM Kidapawan ngadto sa nahitabong straffing incident sa Bombo Radyo GenSan miaging semana.

Matud pa ni PCOO Undersecretary Joel Egco ug Executive Director of the Presidential Task Force on Media Security nga palawman nila ang imbestigasyon sa maong mga insidente, dungan sa pasalig nga dili undangan hangtud dili masayran ang mga responsable ug mapanubag sa balaod.

Samtang bisan sa maong insidente, giawhag ni Egco nga padayun lang sa trabaho ang mga miyembro sa media, bisan pa sa ilang mga krusada ug kung may mga madawat nga bahad, gilayun silang pahibaluon.

Andam usab daw sila mohatag og security sa manginahanglan niini alang sa ilang proteksyon samtang gihimo ang trabaho ug gipaamping usab ang tanang miyembro sa media ug magkahiusa aron batukan ang media violence.