Close

Sta. Josefa, gideklara isip drug cleared sa Agusan del Sur

Sponsor ads


SOBRA ang gibating kalipay sa mga opisyales sa lungsod sa Sta. Josefa, ning probinsya sa Agusan del Sur, human nga makab-ot nila ang mga nag-unang rekisitos arun mamahimong drug cleared municipality sa tibook probinsya.

Angayang masayran, nalakip ang Sta.Josefa sa upat ka lungsod sa probinsya sa Agusan del Sur nga hingpit nang gideklarang limpyo na sa ginadiling droga sa Philippine Drug Enforcement Agency kon PDEA 13.

Kahinumduman nga una nang gipaabot ni Mayor Symond Caguiat sa maong lungsod nga sulod sa onse (11) ka mga brgy nga iyang nasakupan, usa na lamang matud pa ang gipaningkamutan nga malimpyo apan karun nag bunga na ang ilang pagpaningkamot.

Gawas sa Sta. Josefa, lakip usab ang lungsod sa Veruela, Loreto ug Rosario nga bag-ohay pa lamang gideklarang drug cleared sa probinsya.