Close

South Cotabato, nakigbahin sa Prisoneers Awareness Month Celebration

Sponsor ads


KORONADAL CITY — NAGKALAIN-LAIN nga mga aktibidad ang nakahan-ay nga igapatigayon sa South Cotabato Rehabilitation and Detention Center ukon SCRDC angot sa selebrasyon sang National Prisoner's Awareness Month subong nga bulan sang Oktubre.

Humalin sang Lunes nga adlaw, serye na sang inter-cell volleyball kag table tennis competitions ang ginpatigayon tubtub Oktubre 19.

Samtang may igapatigayon naman nga medical kag dental mission, court visitation kag PDL mass dance para sa National Correctional Consciousness Week Celebration nga natalana naman sa Oktubre 22 tubtub 26.

Igapatigayon ang amo nga mga aktibidad kadungan sang pormal nga inagurasyon sang bag-o gintukod nga basketball court sa sulod sang provincial jail. (Girlie Narciso-Solis)