Close

SoCot prov'l hospital, nakabaton sang donasyon nagikan sa Australia Rotary Club

Sponsor ads


KORONADAL CITY — NAKABATON sang isa ka milyon nga kantidad sang in-kind donation ang South Cotabato Provincial Hospital nagikan sa mga miyembro sang Rotary Australia World Community Service.

Suno kay Dr. Conrado Braña, chief of hospital nga nag-abot sang Lunes sa provincial hospital compound ang container van nga puno sang donasyon.
Lubos naman ang pasalamat ni Braña bangud dako suno pa ini nga bulig para sa mga pasyente.

Ang nasambit nga donasyon ginalakipan sang 38 ka mga hospital beds, 34 ka mga mattressess, 11 ka mga electric fans, 30 ka mga office chairs kag 15 ka mga garbage bins.

Magluwas sini, may ginatos man ka rolyo sang mga bandages, cotton, kidney basin, gloves, disposal syringes, blood collection vials, wipes, disposal syringes containers, masks kag aprons.

Base sa declaration report, naghatag man ang Rotary Australia sang 100 ka mga libro para sa mga kabataan, kurtina kag unlan para sa ospital.

Gintawag naman ni Braña nga extra-special ang amo nga donasyon bangud nag-abot ini subong nga Christmas season.