Close

SoCot, ginturn-over ang bag-o nga daycare sa Polomolok

Sponsor ads


KORONADAL CITY — PORMAL na nga ginturn-over sang Provincial Government sang South Cotabato ang isa ka daycare center sa Purok Maguindanao, Barangay Lumakil, Polomolok.

Nagakantidad suno pa sang P1.2 million ang amo nga proyekto kag sarang maka-akomodar sang 30 ka mga kabataan tagsa ka session.

Ang amo nga proyekto ginpanuma sang provincial government sa amo nga banwa matapos sini nakuha ang Most Functional Local Council for Protection of Children ukon LCPC sang 2015.

Katuyuan sini nga ma-promote kag ma-suportahan ang ensakto nga edukasyon kag maayo nga buwas damlag sang mga kabataan pinaagi sa Provincial Council for the Protection of Children ukon PCPC.

Ginpasalamatan naman ni Lumakil Barangay Chairman Efren Cordon ang provincial government sa amo nga proyekto. (Girlie Narciso-Solis)