Close

Sinakong bugas gisugdan na sa paghatag sa mga katawhan sa GenSan

Sponsor ads


GENERAL SANTOS CITY- DOOR to door o house to house ang mando ni Mayor Ronnel Rivera sa pagpang apod apod sa mga sinakong bugas sa mga residente sa GenSan.

Kini ang gibutyag ni Harold Aponesto, planning officer sa CENRO-GenSan nga nagsugod na sila sa pagpanghatag sa maong mga bugas human miabot na ang inisyal nga 50,000 ka sako nga bugas, asa unang lima ka barangay ang maupuran sugod miaging adlaw ug hangtud karong adlawa.

Segun ni Aponesto nga paabuton usab ang uban pang mga sinakong bugas nga ma-deliver ug mao na usab ang ihatag ngadto sa ubang barangay nga masigo sa ihap sa sinakong bugas nga miabot.

Gitino usab niini nga matag household ang makadawat og 25 kilos nga bugas subay sa updated nga listahan asa anaa sa 169,311.

Dili usab daw kulangon bisan tag 25 kilos per household tungod mokabat tanan sa 288,000 sacks ang gipalit sa LGU-GenSan.