Close

Simbahan abli pero wala na ginapatambong og misa ang katawhan

Sponsor ads


GENERAL SANTOS CITY- WALA na ginapatambong pa sa misa ang mga debotong Katoliko aron malikayan ang pagkatag sa COVID-19.

Kini ang gibutyag ni Father Angel Buenavides, vicar general sa Diocese of Marbel luyo nga padayun gihapon ang pag-misa sa mga pari ug abli ang mga simbahan.

Gitino ni Buenavides nga bisan ang Santo Papa ang gapahigayon og misa apan wala kini gaawhag sa mga deboto nga magtambong tungod mahimo usab madunggan ang misa sa telebisyon o radyo ug sa internet.

Sa karon awhag ni Buenavides nga bisan unsa pa nga tinuohan, angayang mag-ampo alang sa kaluwasan sa katawhan gikan sa bahad sa COVID-19 lakip ang pagtinabangay.

Gani miaging adlaw, gihimo ang dungan nga pag-ampo sa tanang tinuohan sa kalibutan batok sa maong bag-ong virus. Gawas sa Oratio Imperata karong Marso 17 ipahigayon ang Urbi et Orbi sa Santo Papa alang sa bendisyon sa mga katawhan ning panahon sa COVID-19 crisis.