Close

Shootout sa Kidapawan City, 1 patay 4 arestado

Sponsor ads


Patay ang us aka John Luther Alegado 25 anyos residente sa Barangay Manobesa Magpet North Cotabato samtang sikop silang Winston Bayno 29 anyos ,Jake Angelo Ramos 26 anyos, Raylann Betiong, 26 anyos lakip ang us aka Kenneth Daray 34 anyos pulos residente sa Purok Pagkakaisa Barangay Bulakanon Makilala North Cotabato sa natigayong pinusilay sulod sa usa ka Koopi Café and bar nga nahimutang SA Old PC Barracks, Barangay Sudapin, Kidapawan City, Martes sa gabii.

Sa imbestigasyun sa kapulisan alas 9:00 sa gabii sa susamang petsa ug lugar gikawat sa bal-hibuon ug kamot ang usa ka Honda XRM 125 motorcycle nga gipanag-iyahan ni Bernardo Javier samatang gi -park sa atubangang bahin sa usa ka internet Café.

Gisundan alas-10:20 sa gabii gikawat usab ang us aka Honda XRM 125 nga gipanag-iyahan ni Ardie Jay Quijote samtang gi- park sa ground floor sa Funelas Building Old PC Barracks Sudapin ning dakbayan.

Sa maong panghitabo gilayong nakig-alayon ang Kidapawan PNP ngadto sa 45th Special Action Force 4th Sab nga nakabase sa Amas kidapawan City aron respondehan ang maong panghitabo.

Gitudlo ang grupo ni Alegado sa saksi sa maong panghitabo nga ning sulod sa

usaka Bar hinungdan nga gilusad ang operasyon aron sila sikupon apan nakamatikdon ang mga nahisgutan ug nauli sa pagpinusilay.

Nakaangkon usa tulo ka samad pinusilan si Alegado sa nagkadaiyang parte sa kalawasan hinungdan sa iyang kamatayon ,samtang igo sa toong bahin sa abaga si Kenneth Wamil Daray nga kasamtangang nagpaalim sa balay tambalanan.

Nagpaalim usab sa usa ka pribadong balay tambalanan si PO2 Jeric Montesino Solomon 31anyos SAF member a, human nakaangkon ug samad pinusilay sa tiyan gumikan sa maong pinusilay.

Narekober sa crime scene ang usaka kalibre 45 armas kargado ug usaka buhing bala ug 2 ka bala usab ang anaa sa magazine ang nakuha sa posisyon ni Alegado.
Samtang caliber 357 revolver nga kargado ug upat ka buhing bala ang nakuha sa posisyon ni Daray.

Nakaplagan usab ang usaka basyo sa kalibre 45 armas ug 4 ka basyo gikan sa 9mm

pistol sa lugar nga nahitabuan.

Gikostudiya na sa Kidapawan PNP ang mga dinakpan samtang gihikay na ang pagpasang-at ug tukmang kaso. ANN RABINA MAYORMITA