Close

SP- GenSan mihangyo sa PAGCOR, GAB ug NBI re: hitak nga online sabong

Sponsor ads


GENERAL SANTOS CITY- NABALAKA ang pipila ka konsehal sa Sangguniang Panlungsod sa General Santos City sa paghitak sa ‘online sabong’, rason sa pagpasar sa Sangguniang Panlungsod isip ‘urgent’ sa resolusyon nga giduso ni kagawad Brix Tan atol sa sesyon.

Asa mihangyo ang konseho sa Philippine Amusement and Gaming Corp. kun Pagcor ug Games and Amusement Board nga mohimo og lakang.

Kauban ang National Bureau of Investigation kun NBI ug kapulisan aron pakgangon ang gikaingong unregistered ug unregulated ang iligal nga sabong nga anaa karon sa social media.

Matud ni Kagawad Atty. Jose Edmar Yumang, kinahanglan maaksyonan kini sa hingtungdang ahensiya tungod delikado kini labi na sa mga bata.
gumikan anaa na kini sa social media, dili layo nga dunay mga bata nga nadani na sa pagdula sa online sabong.

Una nang nagpahimangno sa publiko si PAGCOR chairman ug CEO Andrea Domingo nga iligal ang online sabong ug ang maong pagdula ang padayong bawal ilawom sa community quarantine classification. ( Rich Gubalani)