Close

SOCCSKSARGEN, blue alert kay Ompong

Sponsor ads


KORONADAL CITY - GINBUTANG na sa blue alert status ang bug-os nga SOCCSKSARGEN Region kadungan sang pagpanalasa sang Bagyo nga Ompong sa Pilipinas.

Suno kay OCD-12 Assistant Regional Director Jerome Barranco, precautionary measure ang nasambit nga tikang sa posible pagbaha kag landslide tuga sang bagyo.
Apisar suno pa sa Luzon ang sentro sang bagyo, posible nga magresulta ini sang pagbaha, landslide kag storm surge sa Rehiyon-12.

Ginpaathag sang opisyal nga sa idalom sang "blue alert status" may posibilidad suno pa sang trahedya nga matabo rason nga on-standby ang mga personnel sang disaster management agencies para sa gilayon nga pag-response.

Gin-ehemplo sini ang posible pagbaha sa mga low-lying areas kag mga kumunidad nga malapit sa mga suba ilabi na sa mga probinsiya sang South kag North Cotabato. (Girlie Narciso-Solis)