Close

Region-12 may 60 ka bag-ong nakarekober sa COVID-19

Sponsor ads


GENERAL SANTOS CITY- MAY dugang 60 ka bag-ong nakarekober sa COVID-19 sa region-12 as of November 19, 2020 subay sa update sa DOH-12.
Tungod niini mitaas pa sa 2,859 ang total recoveries sa maong sakit asa 25 gikan sa South Cotabato, 15 gikan sa GenSan, 12 sa Cotabato City, lima sa Sarangani Province ug tulo sa North Cotabato.

Samtang mitala sa 614 ang aktibong kaso human nadugangan og 37 new cases.
Sa mga bag-ong nagpositibo sa virus, tag katorse sa GenSan ug Cotabato City, upat sa Sarangani Province ug tag duha sa South Cotabato ug North Cotabato.

Sa kinatibuk-ang 3,594 cases, ang GenSan ang may pinakadaghang kaso sa 1,031, gisundan sa South Cotabato sa 934, ikatulo ang Cotabato City sa 819, ikaupat ang Sarangani Province sa 339, North Cotabato sa 278 ug Sultan Kudarat sa 193 cases.

Samtang mokabat na sa 120 ang nakabsan sa kinabuhi sa COVID-19 sa region-12 sukad adlawng Huwebes.