Close

Presyo sa baboy sa merkado sa GenSan,mipatong na sa P320 per kilo

Sponsor ads


GENERAL SANTOS CITY- MISAKA na sa P320 ang matag kilo sa baboy sa mga merkado publiko sa GenSan gikan sa P260 per kilo atong Desyembre, 2020. Matud ni Dr. Antonio Ephraim Marin, labaw sa City Veterinary Office (CVO) rason niini ang pag-undang sa pipila ka hog raisers sa siyudad.

Sa pagpadako og baboy tungod sa hugot nga ‘restrictions’ nga gipatuman atong nakalabay’ng tuig gumikan sa Covid-19, hinungdan nga posibleng kulangon og supply sa baboy og mo-mahal ang presyo niini gikan Enero hangtud Marso.

Luyo niini, ugaling dunay mga baboy gikan sa hog raisers sa GenSan mahimo usab kini nga matunga tungod usab sa kataas sa panginahanglanon sa supply sa baboy sa Luzon, human nga naigo ang mga lugar nga nagproduce og baboy sa African Swine Fever (ASF).

Ang hog industry sa siyudad ug kasigbit nga lugar sama sa probinsiya sa South Cotabato ang dunay kantidad nga P30 bilyon. Modeliber kini og naa sa 25,000 to 30,000 ka buhing baboy matag bulan sa nagkadaiyang merkado. ( Rich Gubalani)