Close

Pipila ka KaBrigada nagpadayag nga andam na sa pagpabakuna

Sponsor ads


GENERAL SANTOS CITY - WALA nalisang sa bakuna ang pipila sa atong KaBrigada sa dihang gipangutana kon andam ba silang magpabakuna kung unsa man ang brand sa bakuna nga iturok sa taga gobyerno sa katawhang Pilipino.

Sa paghinabi sa 89.5 Brigada News FM GenSan sa usa ka retiradong empleyado sa gobyerno nga si Maning Malinao gikan sa Barangay Labangal sumala niini nga andam kaayo siya magpabakuna kung unsa man ang ma-aprubahan sa nasudnong gobyerno alang sa katawhan isip miyembro na sa senior citizen.

Uyon usab kini nga ang nasudnong gobyerno na ang magbuot sa pagpalit og bakuna gumikan usa ka nasudnong concern ang COVID-19 ug dili lang lokal nga problema.

Sumala usab sa chairperson sa Public Transport Alliance of GenSan kun PTAG nga si Robert Cang andam usab sila sa bakuna kon iturok sa mga frontliners nga anaa sa transportasyon apan mas gusto nila ang bakuna sa Pfizer gumikan ilang nabalitaan nga mas taas ang efficacy niini tandi sa ubang brand.

Sa karon nagahulat lang daw ang PTAG kon adunay advisory gikan sa Land Transportation Franchising and Regulatory Board kun LTFRB o Department of Transportation kun DoT kalabot sa bakuna. ( Ever Diazon)