Close

Patayng lawas sa tricycle driver, nakaplagan sa lodging house

Sponsor ads


PAGADIAN CITY - Nakaplagan nga wala nay kinabuhi ang usa ka tricycle driver sa usa ka kwarto sa Zamboanga Lodging House nga nahimutang sa Barangay Santiago, ning dakbayan sa Pagadian.

Giila ang biktima nga si Jerry Camasora Lanzado, 54-anyos, minyo, tricycle driver ug residente sa Nazareth, Barangay Buenavista, Pagadian City.

Matud pa sa imbistigasyon sa kapulisan, nga ang maong biktima ang regular matud pa nga customer sa nasangpit nga lodging house.

Mi-check-in matud pa kini alas 8;00 sa buntag kauban ang wala mailang babaye kinsa mibiya ra usab nga nag-inusara sa lodging house.

Base sa resulta sa post mortem examination sa phsysician sa City Health Office, walay nakit-ang foul play o unsa mang samad o bun-og sa kalawasan sa biktima.

Ang patayng lawas niini, gidala sa Fatima Funeral Homes, Lumbia District, Pagadian City samtang gipahigayon ang lawom nga imbestigasyon ug gipangita na ang babayeng kauban niini. Emelyn Campilan