Close

Pasiklaban ng Gulayan sa Gensan nagsugod na,mga netizens mamahimong mosalmot sa pagpili sa mas nindot nga entries pinaagi sa FB page sa City agri

Sponsor ads


GENERAL SANTOS CITY- NAHUMAN na ang gitakdang petsa alang sa submission of entries sa pasiklaban ng gulayan sa Magandang GenSan ug mokabat sa 20 ka mga barangay ang nagduso sa ilang entries.

Sa kumpirmasyon ni City Agriculture Office head Merlinda Donasco nga makita na sa FB page sa City Agri ang mga entries nga adunay mga hulagway ug may video, mamahimong makaboto ang netizens kung asa ang mas nindot alang sa Peoples Choice award.

Adunay kategorya nga Best City Household Garden ang mga premyo sa 1st -P20,000 pesos, 2nd place-P15,000 pesos, 3rd place sa P10,000 pesos, 4th place sa P8,000 pesos ug P5,000 ang 5th place ug may consolation prize nga taga P2,000 pesos.

Sa Best City Brgy. Community Garden ang 1st place may premyo nga P40,000 pesos, 2nd sa P30,000 pesos ug third place sa P25,000, ang 4th place sa P20,000 ug 5th place sa P10,000 pesos ug consolation nga P3,000 pesos.

Ang People’s Choice Award sa litrato, mokabat sa P10,000 pesos ug sa Best Video sa P10,000 pesos.

Sa best videography sa 1st mokabat sa P15,000 pesos ug 2nd place sa P10,000 pesos ug 3rd place sa P7,000 pesos.

Gituyo sa paghimo ang programa alang sa food security karong nasinatian ang pandemya, pag-promote sa urban gardening ug dugang kita sa pamilya.
Ang judging magsugod na ning bulan sa Agosto. ( Ever Diazon)