Close

Pangulo ug Robredo angayang magtinabangay sa pagsulbad sa problema sa illegal drugs

Sponsor ads


GENERAL SANTOS CITY- ANGAYAN lang nga magtinabangay ang mga opisyal sa gobyerno aron mapakgang ang problema sa gidiling druga.

Kini ang panglantaw sa mga nahinabi sa Brigada News FM GenSan human gidawat na ni VP Leni Robredo ang pagka-drug czar.

Segun ni Atty. Guialil Kanda, NCMF-GenSan field director nga maayo kay gihatagan og assignment sa Pangulo si Robredo apan kinahanglan usab nga tabangan tungod mas maayo kung daghan ang gatutok sa maong problema aron mas daling masulbad.

Butyag usab sa usa ka nagpangalang Aldi nga kinahanglan gayud nga pangunahan gihapon sa Pangulo ang pagtabang kang Robredo tungod ilaha kining gibutang sa maong katungdanan.

Gusto lang usab ni Robredo nga ipatuman ang kampanya batok gidiling druga nga walay mapatay.

Nanghinaut na lamang kini nga walay laing motibo ang gobyerno sa pagtanyag sa maong posisyon aron gayud hingpit nga masulbad ang problema sa gidiling druga, human nga wala pa masulbad bisan sa daghang mga tagal nga gihatag sa Pangulo kalabot niini.