Close

Pampasaherong jeep natikay-ang sa dalan, 4 pasahero samaran

Sponsor ads


ANTIPAS, NORTH COTABATO - OSPITAL ang gitugpahan sa 4 ka mga pasahero human natikay-ang sa dalan ang gisakyan nilang pampasaherong Jeep- plate no. MWC-426 sa lungsod sa Antipas, sakop ning lalawigan sa North Cotabato nga gimaneho sa usa ka Antonio Sabaysabay, 65-anyos, taga Dayao street, Kidapawan City.

Subay sa blotter, gi-ila sab sa Antipas PNP ang mga biktima nga sila Melissa Lastimoso- 36 anyos, residente sa Purok 6, Brgy. Illustre, Pres. Roxas, Jerry Acoray- 42 anyos, usa ka vendor residente sa Brgy. Sikitan, Kidapawan City, Irish Jane Roquero- 21 anyos, usa ka estudiyante, taga Purok 6, Sitio Layangan, Brgy. Badyangon, Arakan, North Cotabato.

Nahitabo ang insidente sa national higway sakop sa Brgy. New Pontevedra, lungsod sa Antipas.

Asoy sa driver sa jeep nga samtang galawig sila padulong sa Arakan, North Cotabato sakay ang 4 ka pasahero kalit lang siyang nawad-an og brake kon preno.

Apan, para dili matud pa sila mo-ambak sa pang-pang sa wala nga bahin sa dalan, gibangga na lamang niya ang gimaneho nga jeep kilid sa bukid nga miresulta sa pagkatikay-ang sa maong sakyanan ug pagka-angol sa iyang mga pasahero.

Dali nga gidala ang 4 ka pasahero sa Antipas Medical Specialist Hospital, samtang ang driver wala gayo’y tatsa sa hitabo.

Hinuon, gi-abaga tanan sa driver tanang gastos sa ospital ug tambal sa iyang mga pasahero. (Rem C. Agdon/ Lei G. Roxas)