Close

Pamilyang Duyang sa Brgy. Tinagacan, ulahing nakadawat og balay pinaagi sa Bahay Kubo Project sa KaBrigada foundation

Sponsor ads


GENERAL SANTOS CITY- WALAY kasudlan sa kalipay ug hugot nagapasalamat ang pamilya Duyang sa Barangay Tinagacan, GenSan human nga na-turn over kanila ang mas desenteng kapuy-an ug dili na sila mabasa kung muulan ug dili mainitan kung init ang panahon gawas pa nga matarong na ang ilang pagtulog.

Adlawng Lunes Pebrero 22 ang pagtugyan sa pamilya Duyang sa maong balay nga ginama sa kahoy apan sin ang atop nga mas lig-on itandi sa ilang guba nga balay pinaagi ni Brigada Bigboss Elmer V. Catulpos ug kapikas sa kinabuhi nga si Mam Yelcy Yasay Catulpos.

Ang balay nga nahatag sa pamilya Dulay nga may tulo ka buok gagmayng anak ang pinaagi sa Bahay Kubo Project, nga gilangkuban sa Kabrigada Foundation, Inc., Brigadahan Gensan, Rotary Club of Dadiangas ug 73rd Philippine Air Force Group Reserve and Tactical Operations Squadron Rajah Buayan.

Gawas sa balay, nakadawat usab ang pamilya Duyang og grocery items ug bugas aron aduna silay makunsumo.