Close

Pamilya it Aklanon seaman nga misteryosong naduea samtang sakay it barko, nagpangayo it bulig

Sponsor ads


KALIBO, AKLAN – Puno it kabaeaka makarun rung pamilya it sangka Aklanon nga seaman nga naduea samtang sakay it barko nga byaheng China paagto sa Pilipinas ku Agosto 3.

Sa interview it Brigada News FM Kalibo kay Mrs. Josephine Repiedad, ina it Aklanong Seaman nga si Paul JQ Repiedad, 32-anyos it Brgy. Linabuan Norte, Kalibo, Aklan.

Sa anda nga pakikipag-angot sa manning agency, nasayuran sa inisyal nga impormasyon nga uwa sigun nakit-an it anang mga kapareho nga crew si Repiedad alas 6:30 it gabi-e ku Byernes.

Nagpatigayon man sigun it search and rescue rung pamunuan it barko pero napas-eawan nga makit-an rung Aklanong Seaman.

Samtang, nasayuran nga sang dag-on paeamang nga kasae rung seaman sa anang asawa.