Close

Pagsupak ni Konsehal Lao sa balaod vs riding-in-tandem suspek, gitahod

Sponsor ads


Gitahod sa kadagkuan sa Cagayan de Oro City Police Office ang pagsupak ni Committee on Public Utilities Chairman City Councilor Bong Lao sa planong pag-rekomendar nila sa Konseho nga magpasar sa balaod batok riding-in-tandem suspek.

Matud ni COCPO Spokesperson Police Superintendent Mardy Hortillosa nga sugyot sa katawhan ang pagdili sa mga motorcyles in tandem homan nahitabo ang sunod-sunod nga pagpamusil sa syudad.

Giklaro ni Hortillosa nga wala pa sila nag-request sa Konseho kalabot sa paghisgot niini tungod kay nagtuo sila nga daghan pa nga mga butang ang angay nga ikonsidera.

Una nang gi-ingon ni Lao nga inay magpatuman niini nga lakang mas maayo matud pa nga tutukan sa COCPO ang pagre-install sa checkpoints, ug bantayan ug sigurohon nga walay mahitabo nga krimen gamit ang bisan unsang klase sa transportasyon, butang nga una nang gipahugtan sa otoridad. (Claudine Lusac)