Close

Pagpamutol og kahoy sa nat’l highway magpadayun

Sponsor ads


GENERAL SANTOS CITY- MAGPADAYUN ang pagpamutol og mga kahoy sa national highway sa GenSan alang sa road widening.

Kini bisan pa sa hugot nga pagsupak ni Kagawad Elizabeth Bagonoc tungod karaan na ang mga kahoy sama sa narra ug angayang dili na hilabtan tungod makatabang sa kinaiyahan.

Apan gipaklaro sa DPWH nga legal matud pa ang ilang pagpamutol sa kahoy ug nakasumite na sila og permit sa CENRO.

Gikasabutan sa mga konsehal ug sa DPWH nga ang nahibiling 69 ka punuan sa narra ang ibalhin sa sanitary landfill sa Barangay Sinawal ug kini ang magsilbing relokasyon sa mga kahoy aron dili masayang.

Ang mga punoan sa acacia, camachile ug mahogany ang ihatag usab sa mga tulunghaan aron mahimong lingkuranan.

Samtang kada punoan sa kahoy nga putlon. usa ka gatus ka seedlings sa kahoy ang ihatag sa DPWH ug itanum sa mga organisasyon nga konektado sa CENRO.