Close

Pagbaligya og litson sa GenSan may regulasyon nang himuon

Sponsor ads


GENERAL SANTOS CITY- GIKATAKDANG magpahigayon og pagdungog ang komiteba sa pamalaod ug sa maayong panglawas alang sa ordinansa sa pagmugna og regulasyon sa mga nagabaligya og lechon sa GenSan.

Butyag ni Kagawad Rosalita Nuñez nga angayang ma-regulate ang pagluto og litson gikan sa pag-ihaw hangtud na sa pag-serve niini sa mga nagakaon.

Kinahanglan matud pa nga adunay meat inspection certificate isip pamatuod nga miagi sa pagsusi sa City Veterinary Office ug musupak ang mapahamtangan og multa.

Ang unang pagdungog sa komiteba sa konseho gitakda sa Hunyo 14 alas 9:30 sa buntag sa Sangguniang Panlungsod building.