Close

Pag-rescue sa mga naglatagaw nga menor de edad hagit sa LGU-CDO

Sponsor ads


Gi-angkon sa Regulatory and Complaints Board Cagayan de Oro nga hagit sa kagamhanang lokal sa syudad ang pag-rescue sa mga kabataan nga galatagaw sa dalan o mga kabataang nakalapas sa ordinansa nga gipatuman.

Gi-ingon ni RCB secretary Antonio Resma Jr.,nga tungod sa kadaghan sa mga menor de edad nga na-rescue dunay panahon nga-huot na sa mga centers.

Apan gipaniguro sa otoridad nga bisan dunay paghuot sa mga centers magpadayon ang ilang monitoring ug pag-roving sa tumong nga ma-proteksyonan ang mga bata batok sa dautang hitabo.

Nasayran nga niadtong nakalabay’ng adlaw, 16 ka menor de edad ang na-rescue sa Velez area samtang 19 ang sa dalan Corrales ning syudad atol sa pagpatuman sa regulasyon sa internet cafes ubos sa City Ordinance No. 13394-2018 o Cagayan de Oro City Comprehensive Children’s Welfare Code of 2018.