Close

Pag-missing sa ‘patrolwoman’ buot paimbestigahan sa pamilya sa Senado

Sponsor ads


GENERAL SANTOS CITY- BUOT paimbestigahan sa usa ka pamilya ang ngadto sa Senado ang pipila ka tag-as nga opisyal sa Police Regional Office (PRO) 12 kalabut sa pagka-missing ni Patrolwoman Joy Kristine Rojas dungan sa isyu sa P2 bilyon Pulis Paluwagan Movement (PPM) investment scam.

Matud ni Atty. Remegio Rojas, uyuan sa pulis hapit na tuig dihang na-missing ang pag-umangkon.

Apan hangtud sa kasamtangan wala silay balita kung buhi pa kini o patay.
Rason sa pagpangayo og tabang kang PNP Chief Gen. Camilo Cascollan aron kini maimbestigahan sa CIDG-12.

Ugaling wala gihapon mahitabo sa imbestigasyon sa CIDG, magpadala na sila og sulat hangyo sa Senado aron sutaon ang insidente.

Giangkon ni Rojas nga usa sa listahan nga buot nilang ipatawag sa Senado mao si ret Police Brig. General Eliseo Rasco, kanhi Regional director sa PRO-12.

Dungan sumala pa kini sa gipadalang text message ni Rasco sa iyang pag-umangkon nga nagbahad kalabut sa PPM.

Pipila kaadlaw human niini kalit nahanaw ang pag-umangkon atong Marso, 2019 apan hangtud karon wala na kini ig-kita.

Si Rasco ang nagmandu sa iyang sakop sa PRO-12 nga kasuhan silang Col. Manuel Lukban Jr, ret PCOL. Raul Supiter; Lt.col Henry Biñas ug 11 pa kalabut sa isyu sa PPM.

Ang maong opisyal usab ang nataktak sa pwesto sa maong mga tag-as nga opisyal sa PRO-12 atong tungura. ( Rich Gubalani)