Close

PRO-12, most efficient sa paglutas ng riding-in-tandem killings

Sponsor ads


KORONADAL CITY - Ginakabig nga isa sa "most efficient" sa bug-os nga Pilipinas ang Police Regional Office ukon PRO-12 sa pag-resolber sa mga kaso sang pagpamatay sang mga "riding-in-tandem" humalin sang nagligad nga tuig.

Suno kay Chief Supt. Marcelo Morales, police director sang Rehiyon-12, 64% nga efficiency rating ang nakuha sang PRO-12 sa ginpatigayon nga assessment sang PNP Central Office.

Humalin Oktubre 11 tubtub Mayo 14, naglab-ot sa 86 ka kaso sang pagpatay ang narecord sa Rehiyon-12 nga kahimuan sang riding-in tandem.

Ika-apat suno pa ang Rehiyon-12 sa may pinakamataas nga kaso sa bug-os nga Pilipinas.
Apang, suno kay Morales, 66 ka kaso sini ang naresolber kun sa diin nakilan-an kag nakasuhan na ang mga suspek.

Natigayon suno pa ini pinaagi sa mas ginpasanyog nga Oplan Sita, Bitag kag Salikop subong man random checkpoints sa mga highway kag sa bulig man sang Highway Patrol Group (HPG) Region-12 kag mas ginpasanyog nga intellligence operations.