Close

PRC, ginpasiguro ang nagakaigo nga supply sang dugo sa bag-o nga equipment

Sponsor ads


KORONADAL CITY — GINPASIGURO sang Philippine Red Cross nga may nagakaigo na nga supply sang dugo sa South Cotabato matapos nabaton sang ahensiya ang ila bag-o nga Blood Bank Refrigerator nagikan sa Provincial Government sang South Cotabato.

Ginatal-usan suno pa sini ang ila daan na nga equipment nga naga-edad na sang masobra sa 20 ka tuig.

May kapasidad suno pa ang bag-o nga blood bank equipment nga maga-store sang kapin sa 500 units sang dugo.

Mas mataas kun ikumparar sa anay kapasidad nga 150 blood units sang daan nila nga equipment.

Pinaagi sini masiguro suno pa nga nagakaigo ang dugo nga mahatag sa mga ospital sa probinsiya ilabi na sa mga pasyente nga nagakinahanglan sang blood transfusion.

Suno sa Provincial Disaster Risk Reduction and Management Office ukon PDRRMO, nagakantidad sang P700,000 ang nasambit nga equipment kag ginkuha ang pondo sa pagbakal sini sa 5% nga Calamity Fund sang probinsiya. (Girlie Narciso-Solis)