Close

PDEA-12 suportado si VP Robredo; angayan daw mahimong pamilyar kini sa war on drugs

Sponsor ads


GENERAL SANTOS CITY- SUPORTADO sa PDEA-12 ang paglingkod ni VP Leni Robredo isip co-chair sa Interagency Committee on Anti-Illegal Drugs o ICAD.

Segun pa ni PDEA-12 director Naravy Duquiatan nga suportado sa ilang hanay ang pagtuboy kang Robredo apan kinahanglan niini nga mahimong pamilya sa drug problem sa nasud.

Gitino pa ni Duquiatan nga dili sayon masulbad ang problema sa gidiling druga maong maayong tun-an gayud pag-ayo.

Samtang gitino niini nga dili lang sa anti drug operation nakatutok ang ahensya apan lakip na sa demand reduction ingon man harm reduction ang pagpa-rehab sa mga drug surrenderees.

Sa isyu sa ninja cops, kinahanglan nilang makig-alayun sa kapulisan aron sa pag-validate sa kamatuoran niini.

Samtang sa bahin sa gikahadlokan nga kamatay sa war on drugs, giklaro usab ni Duquiatan nga sila ang naka-commit usab sa pagpreserba sa kinabuhi apan dili usab mahimong ibutang sa peligro ang kinabuhi sa ilang mga sakop kung ugaling unhan sa pagpusil sa suspek.