Close

P600-K target sa T'nalak Charity Ball

Sponsor ads


KORONADAL CITY - TARGET sang provincial government sang South Cotabato nga makatipon sang P600,000 sa igapatigayon nga Governor's Tnalak Charity Ball, Hulyo 17 sang gab-i sa The Farm @ Carpenter Hill, Koronadal City.

Magapadulong ang kita sang amo nga aktibidad sa mga scholars sang Kabugwason Paglaum Scholarship and Gran-in-Aid Program.

Suno kay Tourism Officer Argie Ryan Asaaria, focal person sang event nga 400 ka tickets nga tag-P1,500 ang gin-imprentar kag igabaligya sa mga tawo nga nagapati sa intensyon sang programa.

Mangin performer sa Charity Ball ang world-class vocal group nga The Company kag ang commedience singer nga si Kakai Bautista. Maga-perform man ang in-house artist kasubong sang South Cotabato Chorale kag violinist nga si Prince Norje Figueroa.

Sang nagligad nga tuig, yara sa P149,000 ang natipon sang Provincial Treasurer's Office nagikan sa Charity Ball. (Girlie Narciso-Solis)