Close

P17 milyones gigahin alang sa mga kanal ug dalan sa GenSan

Sponsor ads


GENERAL SANTOS CITY- UNOM ka dugang mga proyekto alang sa kanal ug pagpangkongkreto sa kadalanan ang gikatakdang ipailalom sa bidding sa Bids and Awards Committee sa Agosto 21.

Segun pa ni Bids and Awards Committee Chairman John Philip Quimosing nga ang pondo ug plano sa maong mga proyekto ang aprubado na sa Sangguniang Panlungsod.

Ang petsa sa pag-abli sa bidding karong Agosto 21 alas 2 sa hapon ug ang mga lokasyon sa maong mga proyekto nahimutang sa dalang Lapu-Lapu, Santiago Blvd hangtud sa Quirino Avenue.

Laing proyekto nahimutang sa dalang Naranjita hangtud na sa Quirino Avenue, dalang Camias padulong sa Laurel hangtud sa national highway.

Laing pang proyekto mao ang nahimutang sa dalang Waling Waling padulong sa Lapu Lapu street ug dalang Osmeña hangtud sa Quirino.
Dugang pa mao ang dalang Leon Llido hangtud na sa Sarangani Homes phase 2.