Close

Oval gymnasium subling gi-ablihan human gibutangan og mga tukod

Sponsor ads


GENERAL SANTOS CITY- GIPAGAMIT na sa City Engineering Office ang Oval covered court nga gipasiradhan ug wala nagamit human sa kusog nga linog.

Sumala kay Department head 2 Engr. Emerald Signar nahuman na ang ilang pagbutang og mga brace sa mga haligi ug trusses sa gym, unya may gibutang nga mga bakal sa poste nga gitaya na.

Gumikan niini unang adlaw sa bulan sa Desyembre gi-ablihan na ang Oval gymnasium ug diri na gihimo ang flag ceremony sa mga empleyado sa city government.

Gidugang ni Signar nga gisugdan na usab nila ang pagtrabaho sa canopy sa City hall pinaagi sa pagbutang unya og bakal nga poste isip depensa kon may linog apan kini temporaryo lamang.

Dili na usab pa butangan og poste ang canopy sa investment building kay layo pa daw sa risgo ang nakitang mga liki sa duha ka dagkong poste sa entrance nga bahin.